“İdmançılarımız, Parisdəki Olimpiya Oyunlarına getmək niyyətində olan turistlərimiz bir sadə şeyi başa düşməlidirlər: onlar Avropa diplomatiyasının rəhbəri Xosep Borrelin danışdığı o çiçəklənən Cənnət bağına getmirlər, amma sərt Qərb cəngəlliyinə gedirlər və orada onlar Fransa hakimiyyətinin hərəkətləri səbəbindən tamamilə tək qalacaqlar”- o, “Rossiya-24” telekanalında deyib.

O qeyd edib ki, Fransa hakimiyyəti Paris Olimpiadası zamanı rusiyalı diplomatların işinə və hərəkətinə maneələr yaradır:

“Və hər hansı gözlənilməz vəziyyət yaranarsa, onlar təkbaşına qalacaqlar, çünki onlar bizim strukturlarımızı, səfirliyimizi nəinki Olimpiya Oyunları ilə bağlı tədbirlərə baş çəkməkdən və ya iştirak etməkdən tamamilə kəsdilər, hətta dəfələrlə istəklərimizə baxmayaraq, bizə mərkəzdə hərəkət etmək üçün əsas vəsiqələr alacağımıza dair heç bir zəmanət vermirlər. Prokurorluq bizə deyir ki, siz diplomatsınız, sizə vəsiqə verə bilmərik, Xarici İşlər Nazirliyi ilə əlaqə saxlayın. Xarici İşlər Nazirliyi bizə tamamilə məhəl qoymur”.

Meşkov onu da istisna etməyib ki, səfirlik Parisin mərkəzindən əməkdaşları evakuasiya etmək üçün müəyyən addımlar üzərində düşünməli olacaq.

AzVision.az