AzVision.az xəbər verir ki, ayaq izləri 2022-ci ildə Mərakeşin şimal-qərbində yerləşən Laraş şəhərinin çimərliyində tapılıb.

Fransanın Cənubi Bretan Universitetinin professoru və laboratoriya müdiri Münsif Əs-Sədrətinin rəhbərliyində aparılan tədqiqat nəticəsində müəyyənləşib ki, izlər 90 min əvvələ aiddir.

"Çimərlikdəki qayaları nəzərdən keçirərkən ilk ayaq izini aşkarladıq. Hamımız təəccübləndik. Əvvəl düşündük ki, yox, bu ayaq izi deyil, lakin irəlilədikcə daha çoxu qarşımıza çıxdı", - tədqiqatın rəhbəri söyləyib.

Məlumata görə, tapılan 85 ayaq izi buz dövründə yaşamış uşaqdan qocayadək müxtəlif yaş qruplarındakı 5 nəfərə məxsusdur.

Hazırda tədqiqat qrupu Laraş şəhərinin cənub sahilində və ətraf mağaralarda "buz dövrü insanlarının niyə dəniz sahilində yaşadıqları" sualına cavab tapmaq üçün araşdırmalar aparır.

Firudin Həmidli
AzVision.az

Qalereya