Boksçumuz dünya çempionatının yarımfinalında

Boksçumuz dünya çempionatının yarımfinalında
  30 Avqust 2017    Oxunub:3068
Almaniyanın Hamburq şəhərində keçirilən kişi boksçular arasında dünya çempionatında 1/4 final mərhələsinə start verilib. Günün ilk sessiyasında Azərbaycan millisinin 1 üzvü qüvvəsini sınayıb.
Boks Federasiyasından AzVision.az-a verilən məlumata görə, 75 kq çəki dərəcəsində rinqə çıxan Kamran Şahsuvalı kolumbiyalı Xorxe Vivas Palasiosla üz-üzə gəlib. Döyüş 3:2 (27:30, 29:28, 29:28, 28:29, 29:28) hesabı ilə Olimpiya mükafatçımızın xeyrinə başa çatıb. O, yarımfinala yüksəlməklə, özü üçün ən azı bürünc medalı da təmin edib.

Şahsuvarlı avqustun 31-də baş tutacaq 1/2 finalda qazaxıstanlı Abilxan Amankulla qarşılaşacaq.

Qeyd edək ki, günün ikinci sessiyada dünya çempionumuz Məhəmmədrəsul Məcidov (+91 kq) da rinqə çıxacaq. O, yarımfinala vəsiqə üçün Camili-Dini Aboudo-Moindze (Fransa) ilə döyüşəcək.

AzVision.az


Teqlər: Boks   Dünya-Çempionatı  





Xəbər lenti